Шупашкар мэрӗ пулнӑ Анатолий Игумнов пурнӑҫран уйрӑлнӑ. Унӑн чӗри паян ирхине тапма пӑрахнӑ. Вӑл кӑшӑлвируспа чирленӗ.

Анатолий Александрович 75 ҫулта пулнӑ. Вӑл Шупашкар мэрӗнче 7 ҫул ӗҫленӗ. Анатолий Игумнов – хулан хисеплӗ ҫынни.

Анатолий Александрович Шупашкарта 1946 ҫулта ҫуралнӑ. Ҫар ҫынни пулнӑ, саппаса 1994 ҫулта кайнӑ. 1995 ҫулхи ҫу уйӑхӗн 23-мӗшӗнче вӑл Шупашкар хула администрацийӗн пуҫлӑхӗн тивӗҫӗсене пурнӑҫлама тытӑннӑ, 1996 ҫулхи раштавра хула самоуправленйӗн пуҫлӑхне суйланӑ. Тӑватӑ ҫултан, 2001 ҫулта, ӑна иккӗмӗш срока суйланӑ.

Анатолий Игумновпа раштавӑн 8-мӗшӗнче Ҫветтуй Татиана соборӗнче 15 сехетре сывпуллашӗҫ.

#Шупашкар, #кӑшӑлвирус