Чӑваш чӗлхи: Шупашкарти ача пахчисенче чӑвашла вӗрентеҫҫӗ

Пӗлтерӳ хушПӗлтерӳсем

Сутатӑп Уйăхри пăру сутатăп.Хакĕ килĕшсе татăлнипе.

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Таисия Ташней 01.02.2021 19:58 | 1463 хут пӑхнӑ

Чӑваш чӗлхи

Шупашкар хула администрацийӗн вӗренӳ управленийӗ ача пахчисенче чӑваш чӗлхине вӗрентнине пӗлтерекен хыпар вырнаҫтарнӑ. Унта хыпарланӑ тӑрӑх, Шупашкарта улттӑмӗш ҫул ӗнтӗ «Культурное наследие Чувашии заботливо и бережно храним» (чӑв. Чӑваш Ен культура эткерлӗхне тӑрӑшса тата перекетлӗн упратпӑр) муниципалитет проектне пурнӑҫа кӗртеҫҫӗ. Ҫавна май республикӑри паллӑ ҫынсене, хулапа тӑван тӑрӑх аталанӑвне пысӑк тӳпе хывнисене, тӗл пулусене чӗнеҫҫӗ. Ачасене музейсене илсе каяҫҫӗ, пӗчӗкскерсем валли Чӑваш чӗлхи кунӗсем, фестивальсем, викторинӑсем ирттереҫҫӗ.

Хулари ача пахчисенче тӗрлӗ чӗлхене, ҫав шутра чӑвашла та, вӗрентекен лингвистика пӳлӗмӗсем ӗҫленине ӗнентереҫҫӗ. Шупашкарти 15 ача пахчи «Родной язык — язык матери» (чӑв. Тӑван челхе — анне чӗлхи) республика проекчӗ пурнӑҫланать-мӗн.

«Онлайн ача пахчи» проектпа килӗшӳллӗн педагогсем ачасемпе ашшӗ-амӑшӗ валли чӑваш чӗлхине вӗренмелли видеоуроксем ирттереҫҫӗ.

#вӗренӳ, #ачасем, #Шупашкар, #ача пахчисем, #чӑваш чӗлхи, #чӑвашлӑх

Хыпар ҫӑлкуҫӗ: http://www.cap.ru/news/2021/02...eboksari-izuchayut-chuvas

Ҫавӑн пекех пӑхӑр

«Сенкер инҫет» олимпиадӑна хутшӑнӗҫ
2020, 01, 23

Чӑваш ачисен клубне чӗнеҫҫӗ
2020, 01, 23

Чӑвашла вӗрентесрен хӑранипе Николаев патне ҫырнӑ
2020, 08, 25

Охатер Томеев — чӑваш чӗлхине хӳтӗлекенӗ
2020, 11, 16

Манӑн тӑван чӗлхе ҫинчен
2021, 01, 06

Комментари:

Вулакан // 4091.56.5918 2021.02.02 20:16
	Хӑш-пӗр шкулсенче ачасем вырӑсла пӗлмеҫҫӗ. Нушаланаҫҫӗ
Микула // 9259.3.8429 2021.02.03 06:11
	Кун пек "отписка" хулара пурӑнакан чӑвашсене улталама тӑрӑшни кӑна. Хут ҫинче вӗсен яланах пурте аван. Пире "ҫав шутра чӑвашла та " тесе калани кирлӗ мар. Чӑваш ачисене "чӑваш чӗлхипе ӳстермелли ача сачӗсем " кирлӗ. Кунӗсемпе тата фестивальсемпе анчах ачасене чӑвашла вӗрентеймӗр. Администрацинче пӗлмеҫҫӗ пулсан Хусана кайса "тутар чӗлхипе ӳстермелли ача сачӗсене" кайса курччӑр. Улталаса ятне анчах тӑвасшӑн пулсан теприсене тупӑпӑр. Чӑвашла вӗренмелли майсем хуласенчи пур ача пахчисенче те пулмалла. С чувашским языком воспитания тенисем чӑвашсемпе тан пулмалла .
Патмар Эдисон Иванович // 1117.29.8489 2021.02.03 06:32
	Ҫавӑн пек ҫырнипе кама улталатпӑр? Хамӑра кӑна.
Agabazar // 5843.4.6471 2021.02.05 00:44
	Вырăсла пĕлменни — начар япала мар.