agrarian.council.gov.ru сайтри сӑн

Чӑваш Енӗн пӗрремӗш президенчӗ, халӗ ҫӗршыв сенаторӗ, Федераци Канашӗн элчи Николай Федоров пӗлтӗр мӗн чухлӗ ӗҫлесе илнӗ? Вӑл деклараци тӑратнӑ.

Документра палӑртнӑ тӑрӑх, Николай Федоров пӗлтӗр 6502875 тенкӗ ӗҫлесе илнӗ, унӑн мӑшӑрӗ вара – 793839 тенкӗ. 2019 ҫулпа танлаштарсан, Николай Федоров ҫавӑн чухлех ӗҫлесе илнӗ.

Сенаторӑн харпӑрлӑхӗнче 265 тӑваткал метрлӗ хваттер пур, арӑмӗн – виҫӗ ҫӗр лаптӑкӗ, пурӑнмалли икӗ ҫурт, виҫӗ хваттер. Кунсӑр пуҫне экс-президент хваттерпе, дачӑпа, «ГАЗ М-21» машинӑпа усӑ курать.

#политика, #укҫа-тенкӗ, #тӳре-шара, #президент