Шупашкарти «Мегаполис» коммерци банкӗн вӑхӑтлӑх администрацийӗ палӑртнӑ тӑрӑх, асӑннӑ кредит учрежденине ятарласа панкрута кӑларни палӑрнӑ.

Банкӑн лицензине туртса иличченхи виҫӗ ҫулта кредит организацийӗ туса ирттернӗ операцисемпе ытти сделкӑна тишкернӗ. Сӑмахран, пысӑк ликвидлӑ активсенех тавӑрса парас шанчӑк ҫукрах кредитпа ылмаштарнине асӑрханӑ. Ҫапла майпа банк 346 миллион та 904 пин тенкӗлӗх тӑкак тӳснӗ.

Аса илтерер: «Мегаполис» банка кӑҫалхи пуш уйӑхӗн 26-мӗшӗнче лицензисӗр хӑварнӑ. Ҫӗртме уйӑхӗн 7-мӗшӗнче Чӑваш Енӗн Арбитраж сучӗ панкрут тесе йышӑннӑ.

#экономика, #судсем, #банксем, #укҫа-тенкӗ