Тарифсен патшалӑх служби 6 шкул автобусӗ туянас тӗллевпе аукцион ирттересси пирки пӗлтернӗ. Малтанхи хак – 21 миллион 360 пин тенкӗ. Кашни автобуса 3,56 миллион тенкӗ лекӗ.

Аукцион утӑ уйӑхӗн 27-мӗшӗнче иртӗ. Унта ҫӗнтернӗ организаци килӗшӳ алӑ пуссан автобуссене респубуликӑна 20 кунра илсе ҫитермелле.

М2 категориллӗ автобус пулмалла, унта 20-25 ача вырнаҫмалла. Транспортӑн хӑвачӗ 136 лаша вӑйӗнчен сахалрах пулмалла мар.

#автобуссем, #аукционсем, #укҫа-тенкӗ