Ӗнер, ҫурла уйӑхӗн 9-мӗшӗнче, Чӑваш Енӗн сывлӑх сыхлав министрӗ Владимир Степанов Шупашкарти пульницӑсенче пулнӑ. Вӑл ҫӗнӗ кӑшӑлвирус инфекцийӗпе чирлӗ ҫынсене епле сипленине тишкернӗ. Республикӑн Сывлӑх сыхлав министерстви Инстаграмра пӗлтернӗ тӑрӑх, кӑшӑлвирусран килте сипленекенсене тӳлевсӗр эмелпе тивӗҫтерессипе йывӑрлӑх пулмалла мар. Препаратсем ҫителӗклӗ.

Хӑш-пӗр пульницӑн тӗп врачӗсене министр сӑмахпа асӑрхаттарнӑ, кӑшӑлвирусран амбулатори мелӗпе сиплесси кал-кал пулса пымалли пирки хытарсах каланӑ.

Инстаграмри асӑннӑ поста вуланисем эмелсене тӳлевсӗр памаҫҫӗ тесе ӑмӑртмалла тенӗ пек комментарисем ҫырнӑ. Ун пеккисене ведомство хӑш пульницӑра ҫавӑн пек пулнине кӑтартма сӗнсе хуравланӑ.

#кӑшӑлвирус, #тӗрӗслевсем, #пульницӑсем, #сывлӑх, #Сывлӑх сыхлав министерстви, #эмелсем