Иртнӗ талӑкра Чӑваш Енре 832 ҫын кӑшӑлвируспа чирленӗ. Куратӑр ӗнтӗ: хисеп кашни кун пысӑк хӑвӑртлӑхпа ӳссе пырать. 176 ҫынна пульницӑна вырттарнӑ. Кун пирки федераци информаци центрӗ пӗлтерет.

201 ҫын вара сывалнӑ. 5 ҫын вилнӗ. Ку таранччен кӑшӑлвирус республикӑри 4207 ҫыннӑн пурнӑҫне татнӑ.

Паянхи кун тӗлне Чӑваш Енре 52623 ҫын чирленӗ. Вӗсенчен 43082-шӗ сывалнӑ. Ку 81,8 процентпа танлашать.

Аса илтерер: чирлекенсем нумайланса пынӑран хушма ковид-койкӑсем хатӗрленӗ, тепӗр икӗ пульница ковид-госпиталь пек ӗҫлеме тытӑннӑ.

#сывлӑх, #кӑшӑлвирус