culture.cap.ru сӑнӳкерчӗкӗ

Чӑваш патшалӑх юрӑпа ташӑ ансамблӗ гастрольпе Пушкӑртстана тухса кайӗ. Унта вӑл ака уйӑхӗн 6-мӗшӗнчен пуҫласа ҫак уйӑхӑн 13-мӗшӗччен Чӑваш патшалӑх юрӑпа ташӑ ансамблӗн гастролӗсем иртӗҫ.

Чӑваш Енӗн Культура министерсвтинче пӗлтернӗ тӑрӑх, концертсене Раҫҫейри халӑхсен культура эткерлӗхӗн тата Чӑваш Енри паллӑ ентешсен ҫулталӑкне халалланӑ.

Пултарулӑх коллективӗ чӑваш халӑхӗн хӑйне евӗрлӗ культурине, унӑн ӗмӗрхи йӑли-йӗркипе хальхи ҫитӗнӗвӗсене халалланӑ «Тӑван ен кӗввисем» концерт программине хатӗрленӗ. Куракансене вокалпа хореографи композицийӗсемпе тата ансамблӗн ылтӑн фондӗнчи номерсемпе пуянлатнӑ.

#Юрӑпа ташӑ ансамблӗ, #ансамбльсем, #Пушкӑртстан, #концертсем, #культура, #гастрольсем