21.мвд.рф сӑнӳкерчӗкӗ

Ӗнер, ака уйӑхӗн 17-мӗшӗнче, ирхи 9 сехетре Канаш районӗнче виҫӗ машина пырса ҫапӑннӑ. Пӑтӑрмах «Аниш» автоҫул ҫинче сиксе тухнӑ.

Хучел ялӗ тӗлӗнче «Форд-Фокус», «Фольксваген-Поло» тата «Лада-Гранта» машина пырса ҫапӑннӑ. Хамӑр ҫӗршывра туса кӑларни хыпса илнӗ.

Чӑваш Енӗн Шалти ӗҫсен министерствинче малтанласа пӗлтернӗ тӑрӑх, инкек сӑлтавӗ — «Форд-Фокус» автомашинӑн 46 ҫулти водителӗ сулахаялла пӑрӑннӑ чухне «Фольксвагена» ирттерсе яманни. «Поло» пассажирӗ суранланнӑ, ӑна больницӑна ӑсатнӑ.

Сӑмах май, водительсем урӑ пулнӑ.

#Канаш районӗ, #пӑтӑрмахсем, #машинӑсем, #ШӖМ, #инкексем