21.мвд.рф сайтран илнӗ сӑнӳкерчӗк

Ҫӗнӗ Шупашкарти Терешкова урамӗнчи киоскра спиртлӑ шӗвек сутнӑ. Кун пирки йӗрке хуралҫисене пӗр арҫын утӑ уйӑхӗн 3-мӗшӗнче систернӗ.

Киоскра ӗҫлекен 42 ҫулти хӗрарӑм-сутуҫӑ лосьон тесе ҫырса хунӑ шӗвеке сутнӑ. Унта спирт виҫи 95 процент пулнӑ. Шӗвеке 100 миллилитр кӗрекен кӗленчепе ярӑнтарнӑ.

Вырӑна йӗрке хуралҫисем пырса ҫитнӗ. Вӗсем унта спиртлӑ шӗвек сутнине ҫирӗплетсе панӑ. Тӗрӗслев материалӗсене Роспотребнадзорӑн Чӑваш Енри управленине ярса панӑ.

Алкоголь сутасси ҫинчен калакан саккуна пӑснӑ хӗрарӑма административлӑ майпа явап тыттарӗҫ.

#Ҫӗнӗ Шупашкар, #лавккасем, #пӑтӑрмахсем, #эрех-сӑра