vsegda-pomnim.com сӑнӳкерчӗкӗ

Кӑркӑстанран Чӑваш Енри Патӑрьеле ӗҫлеме килнӗ арҫын кӑҫалхи ҫӗртме уйӑхӗнче ултавҫӑ капкӑнне ҫакланнӑ. Шар кӑтартаканни — хӑйӗн ентешех.

38 ҫулти кӑркӑс арҫынни Патӑрьелти кафере ӗҫленӗ. Анлӑ сарӑлнӑ мессенджерсенчен пӗринче вӑл ентешӗсене тӑван тӑрӑхне кайма авиабилет туянма пулӑшма ыйтнӑ. Пулӑшма килӗшекен те тупӑннӑ. «Шанчӑклӑ» ҫын 9 пин тенкӗ куҫарса пама ыйтнӑ. Укҫана илсен вӑл кӑркӑс арҫыннипе ҫыхӑнӑва татнӑ.

Шар курни йӗрке хуралҫисенчен пулӑшу ыйтнӑ. Ултавҫӑ Иваново облаҫӗнче тӗпленнӗ Кӑркӑстан ҫынни пулнӑ. Ӑна унччен вӑрӑ ӗҫӗпе аппаланнӑшӑн федераци шайӗнче шыранӑ. 29 ҫулти арҫынна Чӑваш Ене тытса килнӗ.

#Иваново, #пӑтӑрмахсем, #ултавсем, #Кӑркӑстан, #Патӑрьел