www.mustaqil.az сайтран илнӗ сӑнӳкерчӗк

Чӑваш Енри хальхи вӑхӑтри паллӑ сӑвӑҫ Марина Карягина сӑввисем азербайджан чӗлхипе пичетленсе тухнӑ. Сӑвӑсене Расмия Сабир куҫарнӑ.

Марина Карягина — чӑваш сӑвӑҫи, драматургӗ, журналисчӗ, сценарисчӗ. Ҫак списока, тӗрӗссипе, тата малалла тӑсса кайма пулать.

Марина Карягина Патӑрьел районӗнчи Кивӗ Ахпӳрт ялӗнче ҫуралнӑ. Чӑваш Республикин ҫамрӑксен патшалӑх, Митта Ваҫлейӗн, Ҫемен Элкер премийӗсен лауреачӗ.

Вӑл тӑван халӑхӗн пуян культурине чунтан юратса тата унпа хавхаланса хӑпартланнипех ҫырлахмасть, журналист пулнӑ май вӑл ҫавӑн ҫинчен ыттисене те каласа кӑтартать. Ӑна, чӑваш халӑхӗн пултаруллӑ хӗрне, ытти регионта та пӗлеҫҫӗ.

#пултарулӑх, #поэтсем, #сӑвӑсем, #Азербайджан, #журналистсем