Прокуратура архивӗнчи сӑн

Ӗнер, чӳк уйӑхӗн 24-мӗшӗнче, Муркаш муниципалитет округӗнчи Кашмаш ялӗнче пӗр ҫуртра амӑшӗпе хӗрӗ вилнӗ. Вӗсем - 73 ҫулта тата 49-та.

Малтанлӑха пӗлтернӗ тӑрӑх, амӑшӗпе хӗрӗ газ котелӗнчен тухнӑ сӗрӗмпе наркӑмӑшланнӑ. Специплистсем тӗтӗм тухмалли ҫул йӗркеллӗ ӗҫлеменнине палӑртнӑ. Котел механизмне улӑштарни те паллӑ: авари чухне сӳнмелли датчик ӗҫлемен.

Икӗ хӗрарӑма ятарласа вӗлернӗ йӗр ҫук. Халӗ ӗҫ-пуҫа следовательсем тата прокуратура ӗҫченӗсем тишкереҫҫӗ.

#пӑтӑрмахсем, #Муркаш районӗ, #Кашмаш, #прокуратура