t.me/alenaelizarova каналтан илнӗ сӑнӳкерчӗк

Чӑваш Енӗн ӗҫ тата социаллӑ хӳтлӗх министрне Алёна Елизаровӑна пӗр ача хӑйӗн «Нарспи» картинине парнеленӗ.

«Вӗсем пирки «хӑйне евӗр» ачасем теҫҫӗ. Ытти ача пекех вӗсем те ачашлӑха, юратӑва туясшӑн, хӑйсемшӗн тӑрӑшнине курасшӑн», — тесе ҫырнӑ министр Телеграмри хӑйӗн страницинче.

Министр Кӳкеҫри ачасен интернат-ҫуртӗнче пулнӑ. Ӑна унта ӑсталӑх лаҫҫине чӗннӗ. Ылтӑн алӑллӑ ачасем тем те пӗр ӑсталаҫҫӗ.

Владислав Разводов вӗтӗ шӑрҫапа чӑваш ялавне тӗрлет. Александр Митрофанов вара хӑйӗн «Нарспи» картинине министра парнеленӗ. Вӑл ӑна йывӑҫа ҫунтарса хатӗрленӗ.

#ачасем, #пултарулӑх, #тӳре-шара, #Кӳкеҫ, #чӑвашлӑх