«Чӑваш Ен» ПТРКн радиожурналисчӗ Алексей Мулянов пурнӑҫран уйрӑлнӑ. Вӑл 41 ҫулта пулнӑ. Алексейӑн чери йывӑр чир хыҫҫӑн тапма пӑрахнӑ.

Радиора вӑл 2003 ҫултанпа ӗҫленӗ. Вӑл ашшӗн Николай Муляновӑн ҫулӗпе кайнӑ. Пӗрремӗш кунранпах Алексей «Вести – Чувашия» хыпарсен кӑларӑмне хатӗрлеме пуҫланӑ, унтан - «Вести ФМ» кӑларӑма.

Алексей «Столичные вести», «Будни ЖКХ», «Вокруг дорог» кӑларӑмсен авторӗ тата ертӳҫи пулнӑ. Унпа ыран Шупашкарти Граждан урамӗнчи 19-мӗш ҫуртра 10 сехетре сывуллашӗҫ.

#Шупашкар, #журналистсем