Йошкар-Олара ыран «Электронная письменность в России: опыт, задачи, векторы развития» (чӑв. Раҫҫейри электронлӑ ҫырулӑх: опыт, тӗллевсем, аталану ҫул-йӗрӗ) ӑслӑлӑхпа ӗҫлӗх конференцийӗ иртӗ. Вӑл икӗ куна тӑсӑлӗ. Чӑваш Республикинчен унта «Чӑваш чӗлхи лабораторийӗн» ӗҫне хутшӑнакан Николай Плотниковпа Александр Антонов хутшӑнӗҫ. Вӗсем чӑваш чӗлхине компьютер тытӑмне мӗнле кӗртни пирки каласа парӗҫ.

Конференцире ытларах енӗпе наци корпусӗсене аталантарассине, куҫаруҫӑсене хатӗрлессине, тӗрлӗ хатӗр-хӗтӗре тӑван чӗлхесене кӗртессине (тӗслӗхрен, «Яндекс.Алиса» евӗр ӑслӑ колонкӑна пушкӑртла е ҫармӑсла калаҫма вӗрентессине) сӳтсе явӗҫ, пӗр-пӗрин опычӗпе паллашӗҫ.

Конференцие онлайн мелпе те итлеме май пулӗ:

• пленарлӑ лару (нарӑс 21, 10:00);

• 1-мӗш секци (нарӑс, 21, 13:30–17:00) /пирӗн докладсем кунта пулӗҫ/

• 2-мӗш секци (нарӑс, 21, 13:00)

• «Интернет-энциклопедия РУВИКИ на языках народов России» ҫавра сӗтел. Нарӑс 22, пуҫламӑшӗ 10:00.

• Конференци программи (Телеграмри «Аҫтахар картишӗ» каналта вырнаҫтарнӑ сообщенирен илме пулать).

#ӑслӑлӑх, #Йошкар-Ола, #тӗнче тетелӗ, #конференцисем, #кӳршӗре