chuvashia.sledcom.ru сӑнӳкерчӗкӗ

Чӑваш Енре икӗ пуҫтах арҫын Ҫутҫанталӑк тӗнчине сыхлас енӗпе ӗҫлекен дирекцин ӗҫченне хӗненӗ.

Вӗсене дирекци ӗҫченӗсем пӗлтӗрхи авӑн уйӑхӗн 24-мӗшӗнче Сурӑм ялӗ ҫывӑхӗнче тытса чарнӑ. Хӗрлӗ Чутай муниципаллӑ округӗнчи 39 ҫулти арҫын тата Шупашкарта пурӑнакан 45 ҫулти вӑйпиттин машинине авӑрламан пӑшал пулнӑ.

Сунарҫӑсем дирекцин ертӳҫин ҫумне Геннадий Исакова питӗнчен тата пуҫӗнчен тапса-ҫапса пӗтернӗ, фотоаппаратне ватса пӑрахнӑ.

Арҫынсен тӗлӗшпе пуҫарнӑ пуҫиле ӗҫе суда ярса панӑ.

#пӑтӑрмахсем, #Хӗрлӗ Чутай районӗ, #Шупашкар, #яваплӑх, #пуҫиле ӗҫсем, #судсем