mk.ru сайтри сӑн

Шупашкарти 34 ҫулти арҫын патне палламан ҫын шӑнкӑравланӑ та смспа килнӗ кода калама хушнӑ. Ку сим-карттӑна ӗҫлеттермешкӗн тӑсма кирлӗ-мӗн. Чӑннипе вара вӑл Патшалӑх пулӑшӑвӗсен порталне кӗмелли код пулнӑ. Кун пирки шӑнкӑравланӑ тепӗр ҫын, «ФСБ ӗҫченӗ», каланӑ. Вӑл ултавҫӑсем кредитсем ан илччӗр тесе арҫынна хӑйне кредитсем илсе «хӑрушсӑр счет» ҫине куҫарма ыйтнӑ.

Ку кӑна мар-ха, арҫын пӗрле пурӑнакан хӗрарӑма та ҫаплах тума хушнӑ. Ҫапла вӗсем «хӑрушсӑр счет» ҫине 6 миллиона яхӑн тенкӗ куҫарнӑ.

#Шупашкар, #ултавҫӑсем, #укҫа-тенкӗ