УФСИНра ӗҫленӗ Михаил Карпов пушартан ҫынсене ҫӑлнӑ. Вӑл Пӑрачкав округӗнчи Кудеиха ялӗ ҫывӑхӗнчен арӑмӗпе иртсе кайнӑ чухне ҫӑра тӗтӗм хӑпарнине асӑрханӑ. Вӗсем ҫав еннелле васканӑ. Ҫитсен хуралтӑсем ҫуннине, ҫулӑм ҫурт ҫине куҫса пынине курнӑ.

Арҫын пӳрте кӗрсе 12-13 ҫулсенчи икӗ хӗрачана илсе тухнӑ. Тепре кӗрсен сӗрӗм сывласа тултарнӑ каччӑна урама кӑларнӑ. Килте вырӑнпах выртакан карчӑк та пулнӑ. Михаил унта виҫҫӗмӗш хут кӗрсе ӑна йӑтса тухнӑ.

Кун хыҫҫӑн вӗсем ҫӑлавҫӑсем патне шӑнкӑравланӑ. Вӗсем ҫитнӗ тӗле ҫурт ҫунса кӗлленнӗ.

#Пӑрачкав районӗ, #Кудеиха, #пушарсем