"Лиза Алерт" архивӗнчи сӑн

Вӑрнар округӗнче пурӑнакан хӗрарӑм кӗтӳ пӑхма кайсан ҫухалнӑ. Ӑна тӑватӑ кун шыранӑ.

Нина Степановна Зубова ҫухални пирки юпа уйӑхӗн 17-мӗшӗнче пӗлтернӗ. Ун патне тӑванӗсем шӑнкӑравласа ҫитеймен. Тивӗҫлӗ канури хӗрарӑма полицейскисем, нимеҫӗсем шыранӑ.

Тӑваттӑмӗш кунхине вӑл хӑйех ҫул тупса сукмак ҫине тухнӑ. Унта ӑна водитель асӑрханӑ та киле илсе ҫитернӗ.

Кинемей кайран ҫапла каласа кӑтартнӑ: пӗрремӗш кун вӑл сунарҫӑ пӳртӗнче ҫӗр каҫнӑ, кайран – вӑрманта. Вӑл ӑна шыранӑ ҫынсен сассисене илтнӗ. Анчах урипе аптӑранӑран вӗсем патне ҫитеймен. Халӗ хӗрарӑм пульницӑра.

#Вӑрнар районӗ, #шыравсем, #ваттисем, #полицейскисем, #нимеҫӗсем