cheb-centr.soc.cap.ru/press-centr сӑнӳкерчӗкӗ

Ҫӗнӗ Шупашкарта ватӑ ҫынсем валли «Вдохновение возраста» (чӑв. Ҫулпа хавхаланса) ташӑ фестивалӗ иртнӗ. Ӑна асӑннӑ хулари халӑха социаллӑ пулӑшу кӳрекен комплекслӑ центр йӗркеленӗ. Фестивале унти 9-мӗш вӑтам шкулта пуҫтарӑннӑ.

Ташӑ мероприятине Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрӗнчи пултарулӑх коллективӗсем те хутшӑннӑ.

«Пирӗн пата ҫӳрекен ватӑсем унтан хавхаланса таврӑнчӗҫ. Центртан виҫӗ коллектив пулчӗ. Фестиваль флешмобпа вӗҫленчӗ», — пӗлтереҫҫӗ Шупашкарти комплекслӑ центрта.

#ваттисем, #Шупашкар, #Ҫӗнӗ Шупашкар, #фестивальсем, #пултарулӑх