Чыславра

«Чӑваш Ен литератури: ҫулталӑкри чи вуланакан кӗнеке — 2012» республика конкурсӗн ҫӗнтерӳҫисене акан 18-мӗшӗнче ЧР Наци вулавӑшӗнче чысланӑ.

«Чӑваш кӗнеки» номинацире Улькка Эльменӗн «Упраймарӑм сана…» хайлавӗ ҫӗнтернӗ. «Ҫулталӑк прози» номинацире Хветӗр Уярӑн «Близ Акрамова» кӗнеки мала тухнӑ.

«Асамлӑ йӗрке» номинацире Порфирий Афанасьевӑн «Каҫхи кӑвайт» кӗнеки мала тухнӑ. Вырӑс литературинче Любовь Петровӑн «И грусть, и радость, и мечты…» ҫӗнтернӗ. «Ача-пӑча тӗнчинче» Юрий Сементерӗн «Килӗр, килӗр, кайӑксем» кӗнеки чи лайаххи тесе палӑртнӑ. Ҫак номинацирех Светлана Гордеевӑн «Веселая карусель» кӑларӑмӗ чи лайӑххи пулнӑ. Конкурс лауреачӗсен дипломӗсемпе Нелли Петровскаян «Тухатмӑш» тата Анатолий Смолинӑн «Асамлӑ азбука» кӗнекисене те чысланӑ.

«Чӑваш Ен литератури: ҫулталӑкри чи вуланакан кӗнеке — 2012» республика конкурсне хастар хутшӑннӑшӑн Муркашри тӗп вулавӑша Тав ҫырӑвӗпе чысланӑ.

Республикӑра 15–22 ҫулсенчисем хушшинче чи нумай кӗнеке вулаканни Муркаш районӗнчи Йӳҫкасси шкулӗн вӗренекенӗ Ирина Федорова пулнӑ. Ҫак номинацирех Муркаш районӗнчи Ильинка шкулӗнчи Анастасия Иванова, Муркаш шкулӗнчи Ангелинӑпа Анна Зайцевӑсем дипломант пулса тӑнӑ. Турай шкулӗнчи 4-мӗш класра вӗренекен Ксения Семеновӑна тата Чуманкасси шкулӗнче Мая Илларионовӑна кӗнеке вулама юратнӑшӑн, конкурса хастар хутшӑннӑшӑн Тав ҫырӑвӗсемпе чысланӑ.

#Йӳҫкасси, #вулавӑшсем, #конкурссем, #наци вулавӑшӗ, #Муркаш, #Муркаш районӗ, #Йӳҫкасси, #Ильинка, #Чуманкасси, #Турай