Культура: Хула влаҫӗ чӑваш хӗрарӑмне мӗншӗн юратмасть?

Пӗлтерӳ хушПӗлтерӳсем

Сутатӑп Уйăхри пăру сутатăп.Хакĕ килĕшсе татăлнипе.

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Аçтахар Плотников 05.03.2015 20:25 | 1429 хут пӑхнӑ

Культура

Хулари баннерсенчен пӗри

Хула тӑрӑх ҫӳресен шӑп та лӑп ҫакнашкал ыйту ҫуралать. Ара чарӑнусенче пур вырӑнта та ҫитес уявпа хӗрсемпе хӗрарӑмсене вырӑсла кӑна саламлаҫҫӗ-ҫке. Чӑвашла салам ҫук-тӑк — ку Шупашкар хула администрацийӗ (баннерта вӗсен логотипӗ пурри ҫак ӗҫе вӗсем явӑҫни пирки пӗрре те иккеленме ҫук) вырӑс хӗрӗсемпе хӗрарӑмӗсене кӑна хисепленине кӑтартать мар-и?

Пирӗн шутпа пӗтӗм тӗнче уявлакан уявра ытти халӑхсенни пекех чӑваш хӗрарӑмне те пӗрешкелех хисеплемелле, пӗрешкелех юратмалла.

Чӑваш халӑх сайчӗ Шупашкар хула администрацийӗнчен тепӗр хут ыйтать — чӑваш чӗлхине хисеплесси хӑҫан пуҫланӗ? Хӑҫан ҫак тӗрӗсмарлӑха пӗтеретӗр?

#Шупашкар, #Хӗрарӑмсен кунӗ, #уявсем, #чӑваш чӗлхи

Комментари:

Зина // 1282.0.9716

2015.03.06 17:33

Ҫапла, пирӗн республикӑн икӗ тӗп чӗлхинчен, шел пулин те, пӗринпе ҫеҫ тӑтӑш усӑ кураҫҫӗ.Ҫавӑнпа халӗ шкулсенче те,ытти учрежденисенче те вырӑс чӗлхипе пуплетпӗр.Чӑваш Республикин тӗп тата тӑван чӑваш чӗлхине пур ҫӗрте те усӑ курмаллине манатпӑр.Чӑваш чӗлхине вӗрентекенсем вара шкулта ачасене атте-анне чӗлхине чуна хывма, юратма вӗрентессишӗн тӑрашаҫҫӗ.Вӗренекенсем шкултах, чӑваш чӗлхи кабинетӗнчен тухсанах, вырӑсла калаҫма тытӑнаҫҫӗ.Ыттисем вара-ашшӗ-амӑшӗнчен, ытти предметсен вӗрентекенӗсенчен.... пуҫласах пур ҫӗрте те вырӑсла калаҫса- тӗслӗх кӑтартаҫҫӗ.Ялта пӗр чӑваш чӗлхине вӗрентекен ҫеҫ чӑвашлӑха упраса хӑвараймасть!Эппин, ҫак ӗҫе пурин те пӗрле явӑҫмалла!