Аçтахар Плотников: Шупашкара куҫрӑм

Аçтахар Плотников20.02.2011 20:5617495 хут пӑхнӑ

Ҫапла, паян эп Чулхуларан Шупашкара куҫрӑм. Унти ӗҫрен кайрӑм, халӗ ӗнтӗ Шупашкарта ӗҫ тупма тивет. Кунти ӗҫ темле пулӗ ӗнтӗ — куҫ курӗ тетӗп.
Шупашкара куҫнӑ хыҫҫӑн чӑвашлӑхшӑн ӗҫлени лайӑхланасса шанас килет. Ҫав шанӑҫпа куҫрӑм та ӗнтӗ. Килти сӑлтавсем те пулчӗҫ, анчах чи пӗлтерӗшли маншӑн тӑван ҫӗре куҫасси пулчӗ. Чулхула мана чӑнах та йӑлӑхтарса ҫитерчӗ. «Из рук в руки» хаҫат редакцийӗнче ӗҫлеме пуҫланӑранпа 10 ҫул ҫитнӗ вӑхӑта та кӗтсе тӑмарӑм — заявлени ҫырса ӗҫрен тухрӑм.
Укҫа-тенкӗ енчен тесен пӗр 15 пинлӗ ӗҫе вырнаҫсан нимӗн те ҫухатмастӑп — тупӑш малтанхи пекех пулӗ. Интереслӗ, унашкал май пулӗ-ши?..

Тӑван Енӗм! Кӗтсе ил мана! Эп таврӑнтӑм тӑван вырӑна!

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (32)]

Комментари:

Улатимĕр // 3604.32.8472 2011.02.21 06:26
	Пил пултăр сана! Малалла та пурнăçра атте-анне панă ăс-тăнлăха упраса аталантар!Сăваплăх пултăр! Ыр-кăмăллăх,çирĕп чунлăх,сывлăх, телей сунатăп! Чăваш пулнă, пур, пулать!!!!...
Тимер // 8568.8.6851 2011.02.21 09:37
	Маттур Микула.Мĕнпе сана пулăшма пулать?