Владимир: Мӗн вӑл пирӗншӗн вырӑс чӗлхи?

Владимир30.12.2013 18:1764236 хут пӑхнӑ

Attila. 30 декабря 2013, 15:35. «Вырӑс чӗлхи пирӗншӗн ют чӗлхе,колонизаторсен чӗлхи. Russian language is a foreign language for me

Для меня русский язык иностранный(язык оккупантов) ,я сразу это всем говорю,я мыслю по чувашски,считаю кстати по чувашски вернее и точнее получается.Мне даже ближе английский и немецкий там больше родственных связей я вижу ,чем в иностранном русском»

Ҫак сӑмахсене пайӑн-пайӑн уйӑрса тишкерме шутларӑм. Attila: "вырӑс чӗлхи пирӗншӗн ют чӗлхе, колонизаторсен чӗлхи". Мӗн пур чӑваша илсен пӗр чӑвашӗ те пулин вырӑсла калаҫма вӑтанать-ши? Ҫук! Кашни чӑваш ҫемьинче вырӑс чӗлхисӗр пурнӑҫа аталантарма май ҫуккине ӑнланаҫҫӗ кӑна мар, чӑваш чӗлхипе аталанаймастӑн тесе шутлаҫҫӗ!Хула варринче чӑвашла калаҫма именекен чӑваш пур-и? Чилай! Мӗншӗн? Кам куншӑн айӑплӑ? Вырӑс-и? Е, чӑвашӗ-и? Кам пире, чӑвашсене, тӑван яла аталантарма чарать? Кам ял ҫумӗнчи ҫӗрсене ҫеремлентерсе ячӗ? Вырӑс-и? Мӗншӗн пурте хуланалла талпӑнатпӑр? Канлӗ, папи пурнӑҫ шыраса! Вырӑс ҫумӗнче!

Attila: "вырӑс чӗлхи пирӗншӗн колонизаторсен чӗлхи" Чӑваш халӑхӗ (Чӑваш ЕН)паянхи куна вырнаҫнӑ вырӑн чӑвашӑн -им? Ҫук? Атӑлҫи Пӑлхарӑн границисене пӗлетпӗр вӗт? Аҫта папкаланса аталаннӑ чӑвашлӑх,- пӗлетӗр-и хуть? Кам халӗ ҫав ҫӗр ҫинче хуҫаланать? Тата. Ҫӗпӗрти, Атӑл тӑрӑхӗнчи чӑвашсем кам ҫумӗнче сыхланса юлма пултарнӑ-ха? Вырӑс ҫумӗнче мар-им? Колонизатор тесе кама калаҫҫӗ? Сан пурнӑҫна аркатса санран тарҫӑ туса хуракана калаҫҫӗ. Ҫапла мар-и? Историе вулакан этем пирӗн шеремет халӑхӗ 13-15-мӗш ӗмӗрсенче мӗнле майпа ҫӑлӑнса юлнине пӗлме кирлӗ. 16-мӗш ӗмӗрте хӑй шӑпине хӑйех палӑртнине те ӑслӑ-тӑнлӑ этем лайӑхах тӑнлама кирлӗ. Иртнӗ ҫӗрҫуллӑх хушшинче вырӑс халӑх ӗнси ҫинче кӑна этем шайне кӗме пултартӑмӑр вӗт. Эпир те эпир тетпӗр. Шкул кӗнекисене илер ха. Тӑван Енех, сӑмахран. 19-мӗш ӗмӗрчен пӗр ӗненмелле пулӑм кӑтартса панӑ-ши ку кӗнекере. Тата ӑсчахӗсем хушшинче пӗр чӑваш та пулин пур-и? И.Яковлев, И.Ьичурин, В.Чапаев, Егоров тата ыттисем те чӑвашсем-им? Кӗнеке вулама, хут пӗлме ҫӗр ҫул кӑна пӗлетпӗр вӗт! Вырӑса пула кӑна!

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (270)]

Комментари:

Agabazar // 1610.37.6692 2014.02.07 13:35
	Люда Осипова,Ядрин // 4186.57.1361 2014-02-07 10:49<<Без русского языка потеряемся. А с чувашским пропадем.>> Ăçта кунта леш хайхи шутсăр деловой çынсем? Акапасара тăрă шыв çине кăлармалла чухне шăна-пăван пек явăнаççĕ. Чăнласах сайтра чăваш чĕлхине хÿтĕлемелле чухне таçта тарса çухалаççĕ çав УЛĂПСЕМ. Тимруксем, Порсем, Еххĕмсем, Атнерсем, Исмуксем...
Атнер // 3913.58.4645 2014.02.07 15:34
	Люда Осипова пек нумайĕшĕ шутлаççĕ.Мĕншĕн тесен вĕсем кулленхи пурнăçра ним тума пултарайман тата нимпе чăваш ĕçĕнче палăрман тата килте ачисене те "атте-анне"теме вĕрентеймен акасапарсене курса йăлăхнă.Тимруксем,Порсем,Еххĕмсем,Атнерсем,Исмуксем шел пулин те сахалрах халлĕхе.Анчах та ята яман-ха вĕсем:маттур чăвашсем.
Аçтахар Плотников // 5043.2.1941 2014.02.07 16:41
	Атнер!!! Çитет пулĕ Акапасар çине тапăнма! Йăлăхтаратăр. Акапасар сирĕншĕн мĕн, Элтепер-им? Кашни чăвашшăн яваплă-им?
Микула // 3913.58.4645 2014.02.07 17:48
	Люда Осипова пек нумай хулари чăваш шутлать.Çур миллион чăваш шучĕ чакни те çакна кăтартать.Мĕн турĕ конгресс?
василий // 1294.86.0191 2014.02.07 20:35
	Юптару: Вăрман турри патне вăрманти хурăнсем делегаци янă: -" Эй, Турă , пĕтерет вĕт пире тимĕр пуртă,вăрманти пĕр хурăн юлмиччен касса тăкать, пĕтетпĕр вет - чар-ха çав пуртта"- тесе çăхавлаççĕ. Турри вара -"Çак пуртă-и ?" тет , пуртă аврисĕр тимĕр пуртă кăтартса. " Çук- теççĕ лешсем - вăл пурттин пуртăшĕ пур -унсăрăн вăл касаймас çав" теççĕ. Хурăнтан тунă пуртă аври пулар мар, чăвашсем!
Тимӗр // 4916-2612 2014.02.08 09:38
	Конгресс çине шанса нумай çухату тÿсрĕмĕр.Халăх туймарĕ унăн витĕмне,хÿтлĕхне.Угаслов тăнлă çын.Хăй 'сĕкĕнмен"конгреса ларма.Пырăр,çÿрĕр тĕрлĕ сĕнÿсем парăр.Анчах бесплатный советсемпе ан чăрмантарăр.Ĕçпе кăтартăр хăвăра.Конгресс алăкĕ яланах уçă.
Agabazar // 3640.4.2670 2014.02.08 13:52
	Timer:"...бесплатный советсемпе ан чăрмантарăр..." Юрĕ, малашне тÿлевлĕ канашсем пама пуçлăпăр. Пĕр канашшăн миллионшар тенкĕ илме пуçлăпăр. Ку Тимер текенскер, Конгресс ячĕпе калаçаканскер, ахăртнех пысăк ШИШКА пулмалла асăннă тытăмра.
Микулай // 3913.58.4645 2014.02.08 14:47
	Халлĕхе Акапасарăн канашĕсемшĕн виç пус та памаççĕ пуль.Нимех те çĕннине илтеймерĕмĕр.Канаш параканнин малтан ĕçпе кăтартсан авантарах пулнине палăртнă пулас конгресрисем.
Тимӗр // 4916-2612 2014.02.08 15:48
	Акапасар.Эсĕ канса ил кăштах.Кунта каланă:малтан ĕçпе кăтартнă пулсан,вара конгреса пырса канаш пама пултаратăр.Виртуаллă Акапасар виртуаллă кăна совет парĕ.Ĕç кирлĕ.Ĕç.
bor1959 // 1039.8.4424 2014.02.08 17:26
	Акасапар сан канашусем "йывăç" миллионĕсем кăна тăраç пулĕ. Манса каясран çырса хур,чăвашлăх пĕтсен санăн хунавсене кĕнеке кăларма кирлĕ пулаç.Каллех Акасапар ним тумасăр укçа сăптăрасшăн-пĕтĕмпех çавăн пек янтă пулăмсемпе пĕтĕрĕнеть.