Хусанкай Атнер Петрович — филологи ӑслӑлӑхӗсен кандидачӗ (1977), профессор. 1948 ҫулхи юпан 8-мӗшӗнче Шупашкарта ҫуралнӑ.

1989 ҫулта Чӑваш ҫамрӑкӗсен Ҫеҫпӗл Мишши ячӗллӗ премиӗн, 1998 ҫулта Митта Ваҫлейӗ ячӗллӗ премиӗн лауреачӗ пулнӑ.

Пурнӑҫӗ

Амӑшӗ чӑваш халӑх артистки Вера Кузьмина, ашшӗ чӑваш халӑх сӑвӑҫи Петӗр Хусанкай.

1966-1972 ҫулсенче Атнер Хусанкай Ленинград патшалӑх университечӗн хӗвелтухӑҫ факультечӗнче, 1973-1976 ҫулсенче СССР Ӑслӑлӑхсен академийӗн Тухӑҫ пӗлӗвӗн институчӗнчи аспирантурӑра вӗреннӗ. 1978—1990 ҫулсенче Атнер Хусанкай Чӑваш патшалӑх университечӗнче ӗҫленӗ. 1990 ҫултанпа Чӑваш патшалӑх гуманитари ӑслӑлӑхӗсен институчӗнче чӗлхе пӗлӗвӗн пай пуҫлӑхӗ.

Атнер Петрович Хусанкай чӑваш тата вырӑс чӗлхисемсӗр пуҫне акӑлчан, арап, француз, нимӗҫ, турккӑ чӗлхисене аван пӗлет, арап чӗлхин диалекчӗсенчи пӗр тата икӗ составлӑ предложенисене, предложенин тӗп членӗсене, чӑваш чӗлхинчи араб-перс элеменчӗсене тишкерет.

Ӗҫӗсем