Электронлă вулавăш

Александр Иванович Волков 1946 ҫулхи юпа уйӑхӗн 10-мӗшӗнче Элӗк районӗнчи Мӑн Этмен ялӗнче ҫуралнӑ. Вăтам шкул хыҫҫӑн И.Я.Яковлев ячӗллӗ Чӑваш патшалӑх институтӗнче, унтан И.Н.Ульянов ячӗллӗ Чӑваш патшалӑх университетӗнче вӗреннӗ. Ҫар службинче пулнӑ. Йӗпреҫ районӗнчи Березовкӑри вӑтам шкулта вырӑс чӗлхипе литературине вӗрентнӗ. Чӑвашрадиора, «Молодой коммунист» хаҫатра, Чӑваш кӗнеке издательствинче, «Тӑван Атӑл» журналта, Чӑваш телевиденийӗнче ӗҫленӗ. Писатель 1991 ҫулта вилнӗ.

Александр Волков ҫырнисем республикӑри тӗрлӗ хаҫат-журналсенче тӑтӑшах пичетленнӗ.

А. Волков 1989 ҫултанпа СССР Писателӗсен союзӗн членӗ пулнӑ.

Паллӑрах кӗнекисем: «Пирӗн ялсем» (1984), «Ахрӑм» (1989), «Пӗчӗк ялӑн пысӑк ҫылӑхӗ» (1990).