Пур хупă çын: сĕм-тĕттĕм тĕпсакайĕ...
Пур хупă çын: сĕм-тĕттĕм тĕпсакайĕ
Çутта яман пек — ыр ĕçпе чунне
савăнтарса курса-ши хăш чухне?
Вăл ăсĕпе çăхан пек çăткăн кайăк.
30
Ун пурнăçĕ — шапа лĕккиллĕ шурлăх:
Чул пăрахсан та, нĕрсĕр шăршă çеç
тапса кӳ! тухĕ — ма алла çĕклес?
Хăй ăшĕнче вăл пуринпе те урлă.
Эп çавăнпа лараймăп сас памасăр:
«Эй, çут тĕнче, нумай сан кăлтăку!»
Хăшпĕр чухне (калатăп пытармасăр)
куçа ӳкет тем чухлĕ саплăку.
Калатăп эп хама тĕпче-тĕпче:
— Сан саплăку çеç пулас мар, тĕнче!
Вулавçăсен шухăшĕ
Çĕнĕ комментари хуш
Ульха (2014-04-12 18:16:26):
"Ун пурнăçĕ — шапа лĕккиллĕ шурлăх:
Чул пăрахсан та, нĕрсĕр шăршă çеç
тапса кӳ! тухĕ — ма алла çĕклес? "
Тěлěнмелле вăйлă сăнарласа каланă. Чăнах та пур-çке çавнашкал çынсем.