Шăрăх, кантăрла
Йăлт шултăрканă хăмăр йĕкелне
Пăрахрĕ хыр тусанлă çул çине.
Вăл, çурăлман граната пек, кӳплетрĕ.
Пĕр кайăк ăна хирĕç шĕвиклетрĕ.
Каллех шăп-шăпăрт пулчĕ таврара —
Вăрман-мĕн йăшăлт тунă ыйхăра.
Каллех вĕр типĕ, сарă-хăмăр шăрăх
Чупса саланчĕ ешĕл-симĕс тăрăх.
Нейтралитет тытса тăран тӳпе,
Пăхсан, чăнах, чее политик пек.
Лару-тăру улшăнасса кĕтсе-ши,
Е циникла: «Мана мĕнех», — тесе-ши —
Вăл туйăмсăр сăнать çĕре çӳлтен
(Пач ăмсанмасăрах та мар пуль, тен)...
Çапах, хырсен тăррисене пăхсассăн,
Кăшт илтĕнет темле хаваслă сасă.
Унта, çӳлте, сип-симĕс парăссем
Кĕтеççĕ уçă çил кĕç вĕрессе.
Килинччĕ хуть çил-тăвăл, ах, килинччĕ,
Çап-çутă çумăр лӳшкетме пуçлинчче!
Халь тĕлĕрен вăрманăн та вара
Лăпланĕччĕ ăш-чикĕ тăвăлра.
Хырсем те, ешĕл парăслă армада,
Хăюллăн, пытанмасăр, шăтăр-шăтăр
Сахалăшĕ, тен, юлĕччĕ чĕр-сывă,
Анчах мĕнле тĕнче, мĕнле чĕр сывлăш!
Кам килĕштĕр, пуçа сыхлас тесе,
Лармашкăн пăчăхса та тĕлĕрсе?
Çак шăплăхра хăй телейне кам тупĕ?..
Çук, шăплăх та, телей те мар ку — тупăк...
Ав, шултăрканă, хăмăр йĕкелне
Каллех пăрахрĕ хыр тусан çине.
Каллех шăвать ем-ешĕл-симĕс тăрăх
Вĕр типĕ, сарă-хăмăр, выçă шăрăх...
Шухăшсем
What if your website chuvash...
Are you fully utilizing the potential of...
Every day, websites like chuvash....
Get more leads for your chuvash...
Your website, chuvash...
Are you maximizing the potential of your...
Your website, chuvash...
Every day, websites like chuvash....
I recently tried https://killakush...
Тĕлĕнмелле çырнă...