Тĕлпулу кĕвви
(Шкул вальсĕ)
1. Чунтан юратнă шкулăмăр,
Эпир кунта тĕл пултăмăр,
Пĕрле пулма чĕнет йăс шăнкăрав.
Нихçан манми ачалăхăн,
Яш чухнехи асамлăхăн
Саламĕ чĕрене сапать кăвар.
Хушса юрламалли:
Эпир вĕреннĕ шкул тавра
Ӳсеççĕ йывăçсем çăра —
Ӳсеççĕ çумма-çуммăн тытăнса.
Тăван çĕршыв хĕвелĕпе,
Тăван ял-йыш телейĕпе
Тăванлăх çирĕплентĕр вăйланса.
2. Сан ăшшупа вăй пухрăмăр,
Çунатлă ĕмĕт тупрăмăр.
Тавах сана, юратнă шкул, тавах!
Эс пĕрлештернĕ туслăхăн
Сăвапĕ ĕмĕр сулăмлă —
Эс пирĕншĕн тăван килпе танах.
3. Çурт лартрăмăр, чул касрăмăр,
Вутпа шыв урлă каçрăмăр,
Ӳкмерĕ çĕнтерӳ пирĕн умран.
Таçти çĕрте те пултăмăр,
Темле тĕнче те куртăмăр,
Тухмарăн, савнă ялăмăр, асран.
4. Каллех, хаваслă шкулăмăр,
Эпир кунта тĕл пултăмăр,
Эс пирĕншĕн тăван килпе танах.
Пире эс патăн пин çунат.
Пирте эс панă вут çунать.
Тавах сана, тăван вучах, тавах!
1957, 1975.
Çӳлтикасси.
Шухăшсем
Needing to lift your website traf...
Imagine if chuvash...
Get more leads for your chuvash...
Eager to widen your website impac...
Ever thought how chuvash...
Striving to raise your website tr...
Get more leads for your chuvash...
Ever thought how chuvash...
Ready to unleash a flood of websi...
Get more leads for your chuvash...