Парăм

Григорий Илепер | Сăвă | самана | 1 403


Виçеп хамз саманапа —

Ăшра ман çук-и ăпăр-тапăр?

Хăвăртлăхпа, улшăнупа —

Ăшра вĕрет çĕн çил, çĕн тапхăр.

 

Çапах çĕршывăм умĕнче

Туятăп, пур-ха пысăк парăм.

Суя, элек, ултав çинчен

Хальччен çырман-ха эпĕ ярăм.

 

Теприн — ăш вырăн, ăш кĕтес —

Тулли кăна ун пултăр енчĕк.

Ăна сутать туртса йĕтес

Ăш-чиккинчи пăтрав кӳлленчĕк.

 

Тепри çапать ав кăкăрне —

Çаплах пырать-ха параппанлăх.

Айран кăшлаççĕ пĕр-пĕрне,

Пĕтмен-ха нишлĕ курайманлăх.

 

Хăш-пĕринне кăшлать чунне

Кĕвĕçӳпе кӳпченĕ нăрă.

Сапать вара çынсем çине

Хăй евĕр шĕкĕллĕ пин вăрă.

 

Çат-çат çытмаллă шарлансем

Ав тĕлсĕр ташă çалтаратăр.

Эрех-сăра минретнĕрен

Хăвăр чунах-çке çарататăр.

 

Патвар утма хăшне-пĕрне

Тытса чарать темле шикпенчĕк.

Ишсе тăкма йăх-яхсене

Çĕршыв хăюллăн кар çĕкленчĕ.

 

Халь тухнă эп çапăçăва —

Шур çăнăхран ан туччăр хывăх!

Хавшак çынна çăва-çăва

Çăлтăрсемпе тăвасчĕ çывăх.

 

...Мельюншар лав, ума пăхсан,

Çав лавсенчен пĕри вăл — манăн,

Тапса туртан мĕнпур вăйран!

Çак тивĕçе ăçтан-ха манăн.

 

Курак сассиллĕ çуркунне

Тар кăларса акам-сӳрем-и,

Кайран сар тулă пучахне

Ик аллăмпа çӳле çĕклем-и!

 

Çурт хăпартам, сад ӳстерем

Чечекленсе килес ăрушăн.

Ан пĕлтĕр çеç вăл ӳлĕмрен

Мĕскер вăл вăрçă, мĕн хăрушă.

 

Çĕршывăмçăм, Тăван çĕршыв,

Эс çут хĕвел те куç шăрçи.

Малашлăха чун куçрĕ-ши —

Ăшра вылять çĕн вăй ăрши.

 

Çапах ялан ман пысăк парăм,

Ăшра вырнаçнă вăл пит тарăн.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: