Ĕç лаши
Иртнине ним парса та илеймĕп,
Çамрăк вăхăт тепре вăл килмест.
Утланма урхамах йĕнерлеймĕп,
Вăл текех пуç ухса ĕрĕхмест.
Тулли лав тиесен ĕрĕхеймĕн,
Ĕрĕхсе пăрнас çук тĕл çулран.
Вăрăм çул пуçлансан, ĕлĕкех-мĕн
Лашана ытлашши чуптарман.
Тулли лав пулмасан чунăм канмĕ.
Çул çинче чарнас çук урхамах.
Пăр çинче ӳкесрен таканлам-и,
Шăварам, çитерем эп хамах.
Ирĕкре ыткăнаççĕ, куратăн,
Сӳрене тăмалли тихасем.
Вĕсене тăванла сас паратăн
Тăнласа, савăнса тăнăçем.
Сан асрах-ха, ăна эп пĕлетĕп,
Хăв йĕвен тăхăнман чухнехи —
Шар çурса-кĕçенсе вирхĕнетĕн,
Пĕр тытса чарăнми ял тихи.
Машинтан катăкрах, тен, хуратăн?..
Шухăшлан хумханса ытлашши.
Эс телей кӳрекен лав туртатăн
Нихăçан ывăнми ĕç лаши.
Сан çинчен, çук, каймасть хăмăт-хатĕр.
Ав каллех туртана тăмалла.
Тулли лав турттарма эпир хатĕр —
Çул çине ир-ирех тухмалла.
Шухăшсем
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
Невероятно пользователь приятно веб-сай...
I tried https://greenrevolutioncbd...
I tried https://greenrevolutioncbd...
I believe that is one of the such...
I believe that is one of the such...