Асамлă хула
Эп каллех — асамлă хулара,
Пĕр-пĕрне кунта эпир юратнă.
Ак, сăнатăп та йĕри-тавра,
Ăнланатăп хам кама çухатнă.
Асăрхатăп: урамсем — çавах,
Унчченхи пек парксемпе скверсем те.
Ăшшăн йăлкăшать хĕвел. Анчах
Çук çумра халь эсĕ, тем тесен те.
Акă сан çурту — куç умĕнче.
Ун балконĕнче кĕпи такамăн
Çакăнса тăрать вĕрен çинче
Вĕлкĕшсе çилпе вăрах.
Вăл камăн?
Санăн упăшкун пуль çав кĕпе?
Унăн пулмасассăн, камăн пултăр?
Пĕр ача чупать, ав, сиккипе
Выляса-кулса.
Вăл — санăн?
Култăр.
Ак — аллея, кунта эп сана
Пирвайхи хут юратса чуп турăм.
Инçетрен те шуррăн курăнать
Ĕмĕте çуратнă йăрăс хурăн.
Эп сывлатăп халĕ сывлăшпа,
Хăшĕнпе-тĕр иксĕмĕр сывланă.
Ак, пыратăп пирĕн урампа.
Тĕрĕсрех, ман мар вăл халĕ — санăн.
Шухăшсем
Use AI to drive targeted traffic to your...
Hoping to revitalize your website...
Your website, chuvash...
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...