Сан сăнă — ман умра
Кĕрхи кунра, çурхи кунра,
Шап-шурă сивĕ кунсенче,
Тӳпе хупланнă вăхăтра
Хĕвелĕ пĕлĕт хыçĕнчен
Кулса илет сайра хутра,
Ас тутарса ăшши çинчен.
Сив çĕр енне тухса кайсан,
Е кăнтăра — пуш хир енне,
Каймасть сăнарă пуçăмран
Хĕлле, çулла е кĕркунне.
Шалт! улшăнатăп эп сăнран
Эс кĕнĕ чух шухăшсене.
Пĕччен юман, çилсем тухсан,
Çĕре ӳксе, пуçне таять.
Йывăрлăхсем килсе çапсан
Пĕччен этем те авăнать.
Эс кун пек чух çумра тăрсан,
Ман чĕрере вăй хушăнать.
Е çурçĕрте, е кăнтăрта,
Сив кунсенче, е шăрăхра,
Савăнăçра, йывăрлăхра
Эс юратни — ман пуçăмра.
Эп çавăнпа хастар ялан
Çак юрату пулăшнăран.
Сакки кун-çулăн сарлака,
Тесе каланă ваттисем.
Ваттисенчен ку сăмаха
Илтсе вĕреннĕ ыттисем.
Сак пулĕ пурнăçăн яка —
Варлатмасассăн çав сакка.
Шухăшсем
Needing to lift your website traf...
Imagine if chuvash...
Get more leads for your chuvash...
Eager to widen your website impac...
Ever thought how chuvash...
Striving to raise your website tr...
Get more leads for your chuvash...
Ever thought how chuvash...
Ready to unleash a flood of websi...
Get more leads for your chuvash...