Тухмастăн асран
Çӳретĕп, сăнатăп. Пĕлетĕп юта та.
Сăрт-ту çӳллĕшне-и курса ăмсанатăп,
Кăвак тинĕсе-и саватăп пăхса,
Тăван сăрт-варпа-улăхпа мухтанатăп —
Çĕршывăм нихçан та тухмастăн асран!
Çӳретĕп, куратăп. Кĕретĕп юта та.
Король керменне-и виçсе уткалатăп,
Патша çуртĕнче-и ларатăп пăхса,
Эп мăн асаттен çĕр пӳртне астăватăп —
Çĕршывăм, ниçта та тухмастăн асран!
Çӳретĕп, чыслатăп. Итлетĕп юта та.
Хула барĕнче-и «ĕç-тавăç» калатăп,
Йăл-ял ресторан-и кĕрлет шавласа,
Эп хамăр лаçри сĕтеле астăватăп —
Çĕршывăм, ниçта та тухмастăн асран!
Çӳретĕп, паллатăп. Пиллетĕп юта та.
Ăсчах сăмахне-и типтерлĕн тăнлатăп,
Тăрлай хуравне-и тăратăп чăтса,
Тăван халăхпа чĕререн мухтанатăп,
Çĕршывăм, нихçан та тухмастăн асран!
1968, ака, 5
Англи, Эвон çинчи Стратфорд.
Вулавçăсен шухăшĕ
Çĕнĕ комментари хуш
Перепелкина Е. (2012-02-24 20:56:22):
Хавхаланса вуласа тухрăм.1987 çулхи утă уйăхĕнче Пушкăрт çĕр-шывĕ тăрăх курса çӳренисем аса килчĕç.
Валерий Михлеев (2012-02-28 13:20:45):
Эпĕ те питĕ хумханса вуласа тухрăм ку сăвва. Хам çамрăк чухне аякри-аякри çĕрсенче пурăннă вăхăтсенче тăван ялшăн питĕ тунсăхланине аса илтерчĕ.
ÐÐ¾Ð»Ð¾Ð´Ñ (2012-02-28 16:36:12):
"Пĕлетĕп юта та." - ку кашни сыпăкра. мĕн ĕçлет? Юта та сăмах чăваш чĕлхинче - тăшман.
Васса (2012-03-05 18:57:11):
Виталий Петрович пире лекцисем вуланă чух унăн кашни сăмахне çăвар карса итлеттĕмĕр,хăшне-пĕрне афоризмсем пек çырса хураттăмăр,аслă ăру çыравçисем вилсе пĕтсен вĕсем чухлĕ тăван чĕлхене пĕлекенсем те юлмĕç....