«Кĕреш пӳллĕ, лаштра пуçлă юмансем...»
Кĕреш пӳллĕ, лаштра пуçлă юмансем,
Çил тулларĕ, çил лăскарĕ çав сĕре...
Ваттисем — тĕреклисем, яшшисем — йăвашшисем,
Хура тăвăл тăпăлтарчĕ çав сире.
Камшăн ӳснĕ, камшăн тӳснĕ-ши эсир...
Пуç тайса пехил илес чухне сиртен
Йăлмакаллă, сикекенлĕ вĕтĕ чир
Типĕтет каллех сире пурнас çĕртен.
Çил кустарчĕ, çил тустарчĕ тек-текех,
Шăтаймасăр хуртланса типет йĕкел...
Çĕн туйралăх ӳстерме пӳрмен пекех
Çут тĕнчемĕр тупаймарĕ-мĕн мехел.
Пĕркĕт кайăк йăвисемлĕ юмансем,
Пил памасăр каясси мĕнле йĕрке?
Пил ыйтатăп, пил ыйтатăп пекĕнсе —
Шăтмаллăх çĕн юмансар ман ĕмĕрте!
1995, çурла, 4.
Шухăшсем
Use AI to drive targeted traffic to your...
Hoping to revitalize your website...
Your website, chuvash...
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...