Шанчӑк ҫӑлтӑрӗ

Геннадий Дегтярёв | Юрă | 377


Çăлтăрсем! Çăлтăрсем… Çăлтăрсем…

Инçетри-инçетри çутăсем,

Кам çутать-ши сире каçсерен?

Темĕскер сăрхăнать чĕререн:

 

Тен, эсир, çăлтăрсем, çăлтăрсем —

Çĕр çинчен кайнисен çутисем?

Тен, сăнаççĕ пире каçсерен

Тӳпери кантăксен куçĕсем?

 

Ир çитсен, кантăксен çутисем

Пĕрин хыççăн тепри вĕлт сӳнсен,

Мĕнле çăлтăр юлать тăр пĕччен?

Тинкерет ман енне темĕнччен…

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем