Электронлă вулавăш

Тăван енĕм Элĕк ен

Сĕм вăрманлă пулнă тет,

Çав вăрманлă çĕрсенче

Хулашсем те ларнă тет.

Хулашне нумай чухне

Сăртлă-туллă çĕрсенче,

Çырма-çатраллă варсенче

Купаласа тунă тет.

Карман-ту текен хулаш

Хурасан таврашĕнче

(Ялăн кăнтăр енĕнче)

Ларать тахçан авалах.

Ача чухне туссемпе

Чупаттăмăр хамăр та

Карман-ту хӳтлĕхĕнче

Тĕрлĕ вăйă выляма.

Вырăнĕ илемлĕскер,

Сăртлă-туллă, çӳллĕскер,

Ачасемшĕн выляма

Шăпах питĕ меллĕскер.

Ялти сумлă ватăсем

Карман-ту çинчен пĕлеç,

Тĕрлĕ-тĕрлĕ халапсем

Ачасене пĕлтереç.

Икĕ ăру хушшинче

Вăрçăсем пулнă чухне

Тахçан ĕлĕк-авалах

Купаланă çак тăва.

Карман-ту вырăнĕнче

Ларнă вăрман сарăлса.

Тăшманран хӳтĕленме 

Тăвас тенĕ çак тăва.

Пĕр енчен çăра вăрман

Хупăрланă тăшманран.

Уçă енчен канавсем

Чавса тунă салтаксем.

«Карман» сăмах чĕлхере

«Крепость», «хӳтлĕх» тет иккен.

Апла пулсан «Карман-ту»

«Хӳтĕленĕ сăрт» иккен.

Малалла