Хыркасси

Юна-юна карта хушăкĕнчен...

Юна-юна карта хушăкĕнчен

кӳрше-арша эпир тытмастпăр вĕчĕ.

Ракетăпа машшин ĕмĕрĕнче

çĕр чăмăрĕ ача пӳски пек пĕчĕк.

Çулсем кĕскелчĕç те, инçет çухалчĕ:

куçа ан хуп ку чăнлăх умĕнче!

Килĕшӳпе çеç пурăнĕ тĕнче! —

Çак ăнлану халь çынсенче çуталчĕ.

Анчах пĕр-пĕр Хыркассинче тăрук

эс тĕрлĕ пурнăç авăрне лекетĕн.

«Çав авăрăн тĕпне çитме май çук», —

текен çыравçăпа та килĕшетĕн.

Тытаймăп çав хĕссе-пĕссе хута —

мĕн чул сăнар сиксе тухать кунта!