Раштавӑн 1-3 хушшинче Шупашкарта йӑлана кӗнӗ II Пӗтӗм Раҫҫей шайри сӗтел хушшинчи теннис ӑмӑртӑвӗ иртнӗ. Ӑмӑртӑва ветерансем хутшӑннӑ, парнесене вара «В.И. Чапаев ячӗллӗ Шупашкарти ПО» ФГУП тивӗҫтернӗ. Парнесене ҫӗнсе илес тесе Самар, Жигулевск, Чулхула, Дзержинск, Ҫӗнӗ Шупашкар, Шупашкар хулисенчи, Мари Эл, Тутарстан республикисенчи, Киров облаҫӗн тата Чӑваш Ен районӗсенчи ветерансем кӗрешнӗ.

Чӑваш Енри спортсменсем пурӗ 8 ылттӑн, 3 кӗмӗл тата 1 пӑхӑр медале ҫӗнсе илнӗ.

Ҫӗнтерӳҫӗсем:

* Сергей Иванов (Шупашкар, Раҫҫейӗн Перекет банкӗн Чӑваш уйрӑмӗн представителӗ, 30-39 ҫулхисем хушшинче ҫӗнтернӗ)

* Сергей Юрьев (УАО «Дорисс» тӗп инженерӗ, 50-59 ҫулхисем хушшинче ҫентернӗ)

* Николай Метлов (60 ҫултан аслӑраххисен хушшинче пӑхӑр медале тивӗҫнӗ. Ҫавӑн пекех иккӗн вылякансем хушшинче кӗмӗл медале тивӗҫнӗ)

* Людмила Климова (50-59 ҫулхисем хушшинче ылттӑн медале тивӗҫнӗ, «В.И. Чапаев ячӗллӗ Шупашкарти ПО» ФГУП ӗҫчешӗ)

* Дмитрий Ананьев чи нумай медаль ҫӗнсе илнӗ. Вӑл 40-49 ҫулхисем хушшинче пурнете ҫӗнтернӗ, Юрий Антоновпа пӗрле вяласа ылттӑн медале ҫӗнсе илнӗ, микст уйрӑмӗнче Лариса Балашовӑпа (Самар облаҫӗ) выласа ылттӑн медале тивӗҫнӗ. Вӗҫӗнче вара Игорь Мигаловпа (Раҫҫей чемпионӗ) выляса ӑна та ҫӗнтернӗ, турнир ҫӗнтерӳҫи ятне илнӗ.

Хыпар ҫӑлкуҫӗ

#турнирсем, #теннис, #спорт