cheb.media сайтри сӑн

ЧР Транспорт министерстви «мӑйракасӑр» тепӗр виҫӗ троллейбус туянасшӑн. Сӑмах май, кун пек транспорт Шупашкарта «Садовый» - Чукун ҫул вокзалӗ» маршрутпа ҫӳрет ӗнтӗ.

Аукцион ҫурла уйӑхӗн 27-мӗшӗнче иртӗ. Пуҫламӑш хак – 47,3 миллион тенкӗ. Техникӑна 60 кунра илсе килмелле. Техзаданипе килӗшӳллӗн, троллейбуса 80 ҫын таран вырнаҫмалла. Вӗсенчен 28-шӗ – лармалли вырӑнсем. Сусӑр валли 1 вырӑнтан кая мар пулмалла.

Шупашкар хула администрацийӗн транспорт уйрӑмЕн пуҫлӑхӗ Андрей Васильев унччен пӗлтернӗ тӑрӑх, республика ҫӗнӗ троллейбуссем туянсан вӗсем 10-мӗш маршрутпа ҫӳреме тытӑнмалла. Маршрута Алькеш таран тӑсма палӑртнӑ. Ҫӗнӗ транспорт маршрутпа ҫӳреме тытӑнсан 2-мӗш автобус маршрутне хупӗҫ.

#Шупашкар, #аукционсем, #троллейбуссем, #Алькеш