Кӑрлач уйӑхӗн 7-мӗшӗнче каҫхи пӗр сехет тӗлӗнче машина инкеке лекнӗ. Пӑтӑрмах пирки Шалти ӗҫсен министерствин Ҫӗрпӳри уйрӑмне пӗлтернӗ. Инкек «Атӑл-Сӗнтӗрвӑрри-Кӑнар» автоҫул ҫинче пулса иртнӗ.

«Киа» машина ҫул айккине кӗрсе ӳкнӗ. Автомобилӗн 20 ҫулти водителӗ ҫул ҫине сиксе тухнӑ тилӗрен пӑрӑнас тенӗ. Юр ӑшне лакса ларнӑ машинӑна кӑларма май килменрен каччӑ йӗрке хуралҫисем патне шӑнкӑравланӑ. Инкек вырӑнне пырса ҫитнӗ полицейскисем машинӑна туртса кӑларма пулӑшнӑ. Водитель вӗсене чунтан тав тунӑ, унтан вӑл хӑй тухнӑ ҫулпа васканӑ.

#пӑтӑрмахсем, #Кӑнар, #Ҫӗрпӳ, #Сӗнтӗрвӑрри, #ҫул-йӗр, #машинӑсем, #водительсем