Ака уйӑхӗнче Шупашкарти «Солнечный» микрорайона троллейбус яма шантарнӑччӗ. Вӑхӑт ҫитет, троллейбус унта ҫӳреме тытӑнӗ-и?

Шупашкар хула администрацийӗн пуҫлӑхӗ Алексей Ладыков ирттернӗ тӳрӗ линире ку ыйтӑва хускатнӑ. «Микрорайона троллейбус ярасси – татса панӑ ыйту. Троллейбуссене тепӗр уйӑхран яма палӑртнӑ», - тенӗ Алексей Ладыков.

Тӳрӗ линире сити-менеджер хуравласа ӗлкӗреймен ыйтусене е тӗплӗ хуравламаллисене заявка паракансем 10 кунра хурав илессине пӗлтернӗ.

#Шупашкар, #троллейбуссем, #тӳре-шара