Инкеклӗ лару-тӑру министерстви тунӑ сӑн

Иртнӗ талӑкра республикӑра 8 пушар пулнӑ. Кун пирки Инкеклӗ лару-тӑру министерствин пресс-служби пӗлтерет.

Шупашкарта тата Шупашкар районӗнче машинӑсем ҫуннӑ. Улатӑрта, Красноармейски, Сӗнтӗрвӑрри районӗсенче мунчасем ҫунса кайнӑ. Етӗрне районӗнче пурӑнмалли мар ҫуртра ҫулӑм тухнӑ. Улатӑрта тата Ҫӗмӗрлере те пушарсем пулнӑ, вӗсем кил-ҫуртпа ҫыхӑнман.

Пушарсенче пӗр ҫын шар курнӑ. Юрать-ха, вилекенсем пулман.

#статистика, #пушарсем, #Красноармейски районӗ, #Шупашкар районӗ, #Шупашкар, #Сӗнтӗрвӑрри районӗ, #Ҫӗмӗрле, #Улатӑр