Шупашкарти «Садовый» микрорайонти шкул хӑҫан пулӗ? Унта пурӑнакансем пӗлӳ ҫурчӗ уҫӑласса чӑтӑмсӑррӑн кӗтеҫҫӗ.

Микрорайонти шкул алӑкӗсене ҫулталӑк вӗҫӗнче уҫмалла. Кун пирки ЧР Элтеперӗ Олег Николаев нумаях пулмасть канашлура пӗлтернӗ.

Шкулта 1650 ача валли вырӑн пулмалла. Малтан ӗҫленӗ подрядчик вӑхӑтра ӗлкӗрсе пырайманран теприне шанса панӑ. Шкул валли 1,1 млрд тенкӗ уйӑрнӑ пулнӑ, анчах стройматериалсем хакланнӑран, проект улшӑннӑран тепӗр ҫур миллиард хушма пултараҫҫӗ.

Шкулӑн кӑҫал авӑн уйӑхӗн 1-мӗшӗ тӗлне уҫӑлмаллаччӗ. Анчах вӑхӑта каярах куҫарнӑ.

#Элтепер, #укҫа-тенкӗ, #шкулсем, #Шупашкар