culture.cap.ru сӑнӳкерчӗкӗ

Чӑваш Енӗн Наци вулавӑшӗнчи «Мерчен» хӑна пӳлӗмӗнче Анатолий Печниковӑн «Илӗртӳллӗ манми Чӑваш ен» нота пуххине хаклама пуҫтарӑнӗҫ.

Мероприятие музыкантӑн 70 ҫулхине тата пултарулӑхӗнчи 55 ҫулхине халаллӗҫ.

Кӗнекене пахалама культура, ӳнер тата литература ӗҫченӗсем, ӗҫтешӗсем, ентешӗсем пуҫтарӑнӗҫ. Программӑна «Чун юрлать» кӗнекепе иллюстраци куравӗ, культура ӗҫченӗсен пултарулӑхӗ, автор юррисен «Савнӑ Чӑваш Енӗм!» концерчӗ илем кӳрӗ.

Анатолий Печников Хӗрлӗ Чутай тӑрӑхӗнчи Туктамаш ялӗнче ҫуралнӑ. Педагог, композитор, РФ халӑх вӗрентӗвӗн отличнике, Чӑваш Енри композиторсен ассоциацийӗн членӗ. Шупашкар районӗнчи Иккасинчи культура ҫуртӗнче «Ҫӑлкуҫ» вокал ансамбльне тата «Ҫамрӑк хуткупӑсҫӑ» кружока 35 ҫул ытла ертсе пынӑ.

#Хӗрлӗ Чутай районӗ, #Туктамӑш, #композиторсем, #юбилейсем, #кӗнекесем, #Шупашкар районӗ, #Иккасси, #вулавӑшсем, #пултарулӑх