«Ҫӑлтӑрчӑк» ача-пӑча пахчинче ӗҫлекенсем

Хальхи вӑхӑтра ача-пӑча пахчисем те, шкулсем те епле кӑна конкурса хутшӑнмаҫҫӗ пулӗ! Пирӗншӗн, ашшӗ-амӑшӗшӗн, вӑл ниме те пӗлтермест-ха: чи кирли — ачамӑрсене хӑтлӑ пултӑр.

Апла-и, капла-и, анчах ача-пӑча пахчисемпе шкулсем тӗрлӗ ҫӗре хутшӑнаҫҫӗ тӗк, ҫакӑ такамшӑн хаклӑ-тӑр. Нумаях пулмасть, ав, Куславккари «Ҫӑлтӑрчӑк» (Звездочка) ача-пӑча пахчи хӑй черетлӗ хутчен пысӑк чыса тивӗҫни пирки пӗлтерет. Раҫҫейӗн Вӗренӳ министерстви сӗннипе вӑл «Хисеп кӗнеки» Пӗтӗм Раҫҫейри реестра кӗнӗ. Унта вӑл ҫӗршывӑн социаллӑ-экономика пурнӑҫне хастар хутшӑннӑшӑн тата Раҫҫей аталанӑвне тӳпе хывнӑшӑн лекнӗ-мӗн.

#Куславкка, #ачасем, #ача пахчисем, #ҫитӗнӳсем