Ӗнер, авӑн уйӑхӗн 3-мӗшӗнче, Чӑваш Енре Пӗрлӗхлӗ кӗрешӗвӗн «Кӗрешӳ» республикӑри центрӗ уҫӑлнӑ. Ӑна Шупашкарти 11-мӗш спорт шкулӗнче йӗркеленӗ.
Ҫӗнӗ центрта 500 ытла ачапа ҫамрӑк тренировкӑна ҫӳрейӗҫ, вӗсемпе 10 преподаватель ӗҫлӗ.
Малтанласа центрта каратэ, киокушин, хутӑш ҫапӑҫу, панкратион, хӗвелтухӑҫ кӗрешӗвӗ, кудо енӗпе уйрӑмсем ӗҫлӗҫ, каярах кӗрешӗвӗн ытти енӗпе уҫӑлӗҫ.
Кӗрешӳ центрӗнче пысӑк шайри ӑмӑртусене ирттерме палӑртаҫҫӗ.
Чӑваш Енре «Чӑваш Республикин Элтеперӗн лару-тӑру центрӗ» ятлӑ хысна учрежденине уҫнӑ.
Республикӑн влаҫ органӗсен официаллӑ порталӗнче пӗлтернӗ тӑрӑх, хысна учрежденийӗн штачӗ 3 единицӑран тӑрӗ.
Хысна учрежденийӗн тӗллевӗнчен пӗри — «Чӑваш Республикин Элтеперӗн тата Министрсен Кабинечӗн управлени ыйтӑвӗсемпе паха йышӑну тӑвасси». Вӑл ҫавӑн пекех лару-тӑрӑва сӑнаса-тишкерсе тӑрӗ.
2025 ҫула пирӗн республикӑра ҫӗнтерӳ темине халаллӗҫ. Кун пирки республикӑн влаҫ органӗсен официаллӑ порталӗнче пӗлтернӗ. Ку сӗнӗве Чӑваш Ен Элтеперӗ Олег Николаев та ырласа йышӑннӑ. Ҫак ыйтӑва Чӑваш Республикин Элтеперӗ ҫумӗнчи общество канашӗн ларӑвӗнче хускатнӑ.
2025 ҫула ҫӗнтерӳ темине халаллани ытахальтен мар. Ҫитменнине килес ҫул пирӗн ҫӗршыв Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине уявлӗ.
Чӑваш Енри икӗ ҫынна республика Элтеперӗ Олег Николаев паттӑрлӑхшӑн чысланӑ.
«Чӑваш Республики умӗнчи тава тивӗҫлӗ ӗҫсемшӗн» орден медалӗпе ҫар чаҫӗн — 29682 уй почтин комендант батальонӗн 2-мӗш комендант ротин санитари инструкторне Михаил Иванова наградӑланӑ.
Чӑваш Республикин Хисеп грамотине 26388 ҫар чаҫӗн снайперӗ Евгений Михайловский тивӗҫнӗ.
Ҫурла уйӑхӗн 22-мӗшӗнче республикӑри 6 тӑлӑхшӑн чӑннипех те пысӑк савӑнӑҫ пулнӑ. Вӗсене хваттер уҫҫине панӑ.
Хваттерӗ вара питӗ хӑтлӑ та лайӑх, унта сантехника, электроплита вырнаҫтарнӑ.
Пурӑнмалли кӗтес тивӗҫнисенчен иккӗшӗ - ятарлӑ ҫар операцине хутшӑнакан салтаксем. ЧР Элтеперӗ Олег Николаев палӑртнӑ тӑрӑх, унашкаллисен хваттер черетӗнче тӑнӑ чухне ыттисенчен ытларах ҫӑмӑллӑхсем пур.
ЧР Элтеперӗ Олег Николаев черетлӗ «тӳрӗ лини» ирттерме палӑртнӑ. Хальхинче вӑл ҫурла уйӑхӗн 29-мӗшӗнче 18 сехетре иртӗ.
«Тӳрӗ линие» халӑхпа «Ковалев разберется» ятарлӑ проект формачӗ евӗр ирттерме палӑртнӑ. Ку программа Наци телекуравӗнче пур, унта автор ҫивӗч ыйтусене хускатать.
Ыйтусене маларах Элтеперӗн халӑх тетелӗсенчи страницисене яма пулать. Ҫавӑн пекех ыйтӑва МФЦ сечӗн видеокамерисем ҫине ҫыртарма май пур.
Мария Мамаева куҫ курманнисен хушшинче иртнӗ Раҫҫей чемпионатӗнче ылтӑн медаль илнӗшӗн премие тивӗҫнӗ. Ӑна республика хыснинчен парӗҫ, хушӑва ЧР Элтеперӗ Олег Николаев алӑ пуснӑ.
Премие спортсменкӑна пӗр хутчен парӗҫ. Вӑл 12 пин тенкӗпе танлашать.
Аса илтерер: чемпионат ака уйӑхӗн 6-11-мӗшӗсенче Калугӑра иртнӗ. 17 ҫулти Мария Мамаева унта ылтӑн медальсӗр пуҫне кӗмӗл тата пӑхӑр медальсем ҫӗнсе илнӗ. Ҫӗртме уйӑхӗнче вара вӑл Раҫҫей Кубокӗнче ишессинче ӑмӑртса икӗ ылтӑн, икӗ кӗмӗл тата пӗр пӑхӑр медальсем ҫӗнсе илнӗ.
ЧР Элтеперӗ Олег Николаев хӑйӗн валли улттӑмӗш пулӑшуҫа ӗҫе илнӗ. Вӑл Александр Шкредов.
Александр Васильевич 1986 ҫулта Шупашкарта ҫуралнӑ. Вӑл - политика ӑслӑлӑхӗсен кандидачӗ.
Халӗ Олег Николаевӑн ултӑ пулӑшуҫӑ: Иван Даренков, Наталья Камаева, Марина Кудрявцева, Николай Михопаров, Алексей Петров, Александр Шкредов.
Телеграмра Чӑваш Ен Элтеперӗн Олег Николаевӑн суя аккаунтне хута янӑ. Кун пирки Олег Алексеевич хӑйӗн чӑн-чӑн телеграм-каналӗнче паян хыпарланӑ.
Элтепер каланӑ тӑрӑх, аккаунта хута янӑ ҫынсем унӑн ячӗпе, сӑнӳкерчӗкӗпе усӑ кураҫҫӗ, тӗрӗс мар информацисем хыпарлаҫҫӗ.
«Туссем, манӑн телеграм-канал пӗрре. Асӑрханӑр, шанчӑклӑ информаци ҫӑлкуҫӗсене кӑна ӗненӗр. Ҫак суя канал авторӗсем тӗлӗшпе тивӗҫлӗ мерӑсем йышӑнӑпӑр», - тенӗ Олег Николаев.
Чӑваш Енре пурӑнакан 45–64 ҫулсенчи арҫынсем сасартӑк вилме пултараҫҫӗ. Кун пирки Чӑваш Ен Элтеперӗ Олег Николаев республикӑн Правительствин паянхи ларӑвӗнче пӗлтернӗ. Унта халӑха диспансеризаци кӑларас ыйтӑва сӳтсе явнӑ.
Кӑҫалхи ҫур ҫулта диспансеризаци тухнисенчен сыввисем — 19,8 процент, чир-чӗр сарӑлас хӑрушлӑх пысӑккисем — 9 процент, сывлӑхӑн виҫҫӗмӗш ушкӑнӗнчисем – 71,2 процент.
Ҫынсем чӗрепе юн тымарӗсен чирӗпе, вар-хырӑм чирӗпе, сахӑр диабечӗпе чирлеҫҫӗ.
+3.3 °C