Шкутан вӗренсе тухакансен экзаменсем вӗҫленнӗ. Палӑртма кӑмӑллӑ: тӑватӑ ҫамрӑк икӗ предметпа 100-шер балл пухнӑ.
Ҫак маттур яш-хӗр Шупашкарти 3-мӗш лицейра, 5-мӗш гимназире вӗреннӗ. Ҫӗнӗ Шупашкарти 12-мӗш шкултан вӗренсе тухнӑ ҫамрӑк обществознанипе тата вырӑс чӗлхипе 100-шер балл пухнӑ. Канашри 8-мӗш шкулта ӑс пухнӑ ҫамрӑк та маттур: вӑл обществознанипе тата историпе чи нумай балл пухнӑ.
Сӑмах май, патшалӑхӑн пӗрлехи экзаменӗсен хушма тапхӑрӗ утӑ уйӑхӗн 12-17-мӗшӗсенче иртӗ.
Чӑваш Енре Патшалӑхӑн пӗрлехи экзаменӗсен малтанхи кӑтартӑвӗсем паллӑ. Кӑҫал миҫе яш-хӗр экзаменра 100 балл пухнӑ?
ЧР Вӗренӳ министерстви пӗлтернӗ тӑрӑх, кӑҫал, пӗлтӗрхипе танлаштарсан, ҫамрӑксем экзаменсене лайӑхрах тытнӑ. Хальлӗхе 46 ҫын ППЭре 100-шер балл пухнӑ. Шупашкарти икӗ выпускник икӗ экзаменра 200 балл пухнӑ. Вӗсем 5-мӗш гимназире тата 3-мӗш лицейра вӗренеҫҫӗ. Пӗри химипе тата вырӑс чӗлхипе чи нумай балл пухнӑ. Тепри – математикӑпа тата физикӑпа.
11-мӗш класран вӗренсе тухакансем Патшалӑхӑн пӗрлехи экзаменӗсене тытаҫҫӗ. Хӑшӗ-пӗри 100 балл пухма пултарнӑ.
ЧР Вӗренӳ министерстви пӗлтернӗ тӑрӑх, географипе 2 ҫын 100 балл пухнӑ. Юлашки 5 ҫулта литературӑпа ун чухлӗ балл илекенсем пулман. Кӑҫал иккӗн чи нумай балл пухнӑ. Химие тӑватӑ ҫын 100 баллӑх тытнаа.
Сӑмах май, республикӑра 3 ҫамрӑка экзаменран кӑларса янӑ: вӗсем шпаргалкӑпа тата телефонпа усӑ курнӑ.
Шкулта вӗренекен ачасене вӗренӳ учрежденийӗнче апатланма патшалӑх укҫа уйӑрать. Ҫав вӑхӑтрах сывлӑха пула килте вӗренекенсем те пур. Вӗсене вара апатшӑн хыснаран пӗр пус та лекмен. Ҫак кӑлтӑка пирӗн республикӑра халӗ пӗтернӗ.
Ӗнер республикӑн Министрсен Кабинечӗн ларӑвӗнче асӑннӑ категорие кӗрекен ачасене те апатланнишӗн компенсаци пама тытӑнма йышӑннӑ.
Сывлӑха пула шкула каяйман, килте вӗренекен ачасене кунсерен 138 тенкӗ укҫа уйӑрма йышӑннӑ. Ку укҫана вӗсен ашшӗ-амӑшне пилӗк кунлӑ вӗренӳ эрнине шута илсе парӗҫ.
Пирӗн республикӑра хальхи вӑхӑтра чире пула 13 ача килте вӗренет.
Чӑваш Ен Элтеперӗ Олег Николаев Чӑваш Енре ҫуралнӑ, «Forbes» журнал малашлӑхлӑ тесе шухӑшлакан Георгий Соловьевпа тӗл пулнӑ.
Георгий Skyeng онлайн-шкул йӗркелесе янӑ. Проекта тӑван кӗтесре пурнӑҫа кӗртме каччӑна Шупашкарти 3-мӗш лицейре физика учителӗ пулса ӗҫленӗ Валерий Горбенко хавхалантарнӑ.
«Валерий Викторович мана нумай вӗрентнӗ. Ӑна пула эпӗ физика енӗпе пӗтӗм Раҫҫейри олимпиадӑра ҫӗнтертӗм. Хӑй вилес умӗн вӑл мана кунта та физика вӗрентекен кирлӗ тесе каланӑччӗ, килсе пулӑшма ыйтнӑччӗ. Ҫавна май эпӗ Шупашкарти 3-мӗш лицейра ачасемпе преподавательсем валли курс йӗркелес шухӑш тытрӑм», — каласа кӑтартнӑ ҫамрӑк.
Георгий Соловьев Шупашкарти 3-мӗш лицейре вӗреннӗ. 2007 ҫулта Мускаври физикӑпа техника институтне вӗренме кӗнӗ. Ҫавӑн хыҫҫӑн вӑл программист пулса ӗҫлеме тытӑннӑ.
Кӑҫалхи ҫурла (август) уйӑхӗнче Чӑваш Республикинче театроведени науки пуҫланса кайни 55 ҫул ҫитет. Уяв, теес килет те, калама вара хал ҫитмест.… Театроведени науки ХIХ-мӗш ӗмӗр вӗҫӗнче Германире пуҫланса кайнӑ. Берлин университетӗнче литература уйрӑмӗнче ӗҫлекен Макс Герман ҫӗнӗ наука — театроведени науки — шутласа кӑларать. Унччен театрсенчи спектакльсене пьеса енӗпе пахаланӑ, пьеса — спектаклӗн тӗп шӑнӑрӗ шутланнӑ. Театрта лартакан спектакльсене хакласа Макс Герман литературовед хӑй статйисенче пьесӑпа спектакль хушшинчи пысӑк уйрӑмлӑхсене палӑртать. Драматург ҫырнӑ пьеса литературӑпа кӑна ҫыхӑннӑ пулсан, режиссер лартнӑ пьеса драматургпа, актерсемпе, режиссёрпа, художникпе, балетмейстерпа, музыкантпа ҫыхӑнать, спектакль кураканпа хӗмленсе халӑх ӑс-тӑнӗ ҫине пысӑк витӗм кӳрет. Ҫак ученӑй театр искусстви тӗрлӗ искусствона ҫыхӑнтарса халӑха пӗр пысӑк туйӑма пӗрлештерсе витӗм кӳме пултаракан ҫӗнӗ наукӑна — театроведени наукине — ҫирӗплетет. Раҫҫейре вӑл вӑхӑтра, ХIХ-мӗш ӗмӗрӗн вӗҫӗнче тата ХХ-мӗш ӗмӗр пуҫламӑшӗнче, пӗтӗмӗшле театр аталанӑвӗн хӑйне евӗр вырӑнне пӑхса тухнӑ В.
Муркаш районӗнчи Кашмаш шкулне ҫӗртме уйӑхӗн вӗҫӗччен туса пӗтермелле. Анчах ӗҫ вӑхӑтпа килӗшӳллӗн пымасть. Кун пирки ЧР вӗренӳ министрӗ Алла Салаева пӗлтернӗ.
Шкулти ӗҫссене 45 процент ҫеҫ пурнӑҫланине каланӑ министр. Палӑртмалла: подрядчикпе 147,1 миллион тенкӗлӗх килӗшӳ алӑ пуснӑ, 49,2 миллион тенкипе усӑ курнӑ ӗнтӗ.
Шкул патне ҫул та тумалла. Кун тӗлӗшпе ҫу уйӑхӗн вӗҫӗнче 11,7 миллион тенкӗлӗх килӗшӳ тунӑ. Анчах ӗҫе ниепле те пуҫӑнма ҫук, мӗншӗн тесен строительсем стройматериалсене ҫул ҫине хурса тухнӑ.
9-мӗш тата 11-мӗш классенчен вӗренсе тухакансем экзаменсем тытаҫҫӗ. Кӑҫал вӗсем 35 пунктра иртеҫҫӗ. Паллах, кӑшӑлвирус сарӑлнине шута илсе санитари нормисене пӑхӑнӗҫ.
Ҫу уйӑхӗн 31-мӗшӗнче 11-мӗш классем географипе, химипе тата литературӑпа ППЭ тытнӑ. Химие - 882, литературӑна 245, геграфие 153 ҫын суйланӑ.
Виҫӗ ачана йӗркене пӑснӑшӑн экзаменран кӑларса янӑ. Ялти 11-мӗш класра ӑс пухакан ача телефонпа усӑ курнӑ. 9-мӗш класра вӗренекенсем те йӗркене пӑснӑ: арҫын ача телефонпа усӑ курнӑ, хӗрача – шпаргалкӑпа, вӑл вӗсене никамран вӑтанмасӑр парта ҫине кӑларса хунӑ.
Пушкӑртстанри Мияки районӗнчи Кекен ялӗнче шкул та, ача сачӗ те пур. Апла пулсан ялӑн малашлӑхӗ пур тесе калама пулать.
«Ачасен шучӗ яланах пӗр пек пулман. Малтанхи ҫулсенче йышлӑрахччӗ. 2014 ҫулта вӗсем хӗрӗх икке ҫитнине пула икӗ ушкӑн йӗркелемелле пулчӗ», — тет иккен Инна Григорьева аслӑ воспитатель ача сачӗн кулленхи пурнӑҫӗпе паллаштарнӑ май.
Хальхи вахӑтра кунта пӗр ушкӑн ӗҫлет. Чӑн та, унта тӗрлӗ ҫултисем ҫӳреҫҫӗ.
«Пӗр енчен ҫак пулӑмӑн йывӑрлӑхӗсем те пур, тепӗр тесен лайӑххи те ҫителӗклех — аслисем ҫине пӑхса кӗҫӗннисем вӗренеҫҫӗ. Вӑйӑ вылятпӑр-и, физзарядка тӑватпӑр-и, юрӑ-кӗвӗ шӑрантаратпӑр-и, тӗрлӗ уяв-конкурссене хутшӑнатпӑр-и — пурте пӗрле», — сӑмахне малалла тӑснӑ аслӑ воспитатель.
Пушкӑртстанри «Урал сасси» хаҫатра Юрий Снегопад ҫырнӑ тӑрӑх, шӑпӑрлансем ҫинчи чӑваш тумне курсан куҫ вылять. Вӗсене педагогсен пӗчӗк коллективӗ хӑйех ҫӗлесе хатӗрленӗ. «Ҫыпӑҫуллӑ та куҫа илӗртекен тумтире тӑхӑнса пӑхсан ҫитӗнсе ҫитнӗ ҫыннӑн та ачалӑха таврӑнас кӑмӑл ҫуралӗ. Инна Ивановна ҫак ӗҫре Рамзия Никитина воспитателӗн тӳпи пысӑк пулнине палӑртрӗ. Вӑл хушпу, тухья тума та ӑста иккен», — хыпарланӑ хаҫатра.
71 ҫулти Алексей Судленков Регионсем хушшинчи компетенци центрне — Шупашкарти электромеханика колледжне ертсе пыма пӑрахӗ. Ку должноҫре вӑл 13 ҫула яхӑн ӗҫленӗ. Кунсӑр пуҫне Чӑваш Республикин виҫҫӗмӗш тата тӑваттӑмӗш созывӗсенчи Общество палатисене ертсе пынӑ.
Алексей Алексеевич 1949 ҫулхи ҫӗртме уйӑхӗн 5-мӗшӗнче Шупашкарта ҫуралнӑ. 1984 ҫулта Пӗтӗм союзри политехника институтне куҫӑнсӑр майпа вӗренсе пӗтернӗ, 1993 ҫулта – Хусанти патшалӑх технологи университетне.
Алексей Судленков 1973 ҫултанпа вӗренӳ сферинче тӑрӑшнӑ. Производство вӗрентӗвӗн мастерӗ те пулнӑ, Шупашкарти 1-мӗш професси училищинче директорӑн ҫумӗ, 1978-2002 ҫулсенче асӑннӑ училищӗн директорӗнче ӗҫленӗ.
Алексей Судленкова «Чӑваш Республики умӗнчи тава тивӗҫлӗ ӗсемшӗн» орден медалӗпе, «Тӑван ҫершыв умӗнчи тава тивӗҫлӗ ӗҫсемшӗн» II степеньлӗ орден медалӗпе тата ыттипе чысланӑ.
+28.3 °C