Аçтахар Плотников: 113 тенкӗ выляса илтӗм

Аçтахар Плотников28.08.2009 13:473790 хут пӑхнӑ

Паян 113 тенкӗ выляса илтӗм. Нумай пулмасть хамӑн Яндексри енчӗке усӑ курса Билайн номерӗ ҫине укҫа хурсаччӗ — ҫавӑн чухне ӗнтӗ «сире лотто билетне парнелерӗҫ» тесе пӗлтерчӗҫ. Лоторейӑра ӑнӑҫу пуласса нихӑҫан та ӗненмен — ҫапах та кунта тӳлевсӗр лекрӗ те хӑтланса пӑхас терӗм. Регистрацилентӗм.
Паян ак тиражӗ пулчӗ иккен — пилӗкӗшӗнчен икӗ хисепӗ тухнӑран 113 тенкӗ выляса илтӗм пулать. Укҫине те куҫарса пачӗҫ ӗнтӗ. :)
Тулькӑш тем тесен те укҫа парса вӑл билетсене илмӗп — пӗр билечӗ 90 тенкӗ тӑрать. Пӗр хисепне те пӗлмесен — нимӗн те лекмест. Пӗрине ҫеҫ пӗлсен — 50-55 тенкӗ ҫеҫ лекет. Иккӗшне пӗлсен тин билет хакӗнчен ытларах илме май пур. Виҫҫӗшне пӗлсен — 200-300 тенкӗ выляса илме май пур. Тӑваттӑ е пилӗк хисепе сайра хутра ҫеҫ пӗлейреҫҫӗ — ждекпочӗсем 10-30 пин. Лоторейӑн инсторине пӑхрӑм та — хӑш-пӗр чухне леккелет те иккен.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле]